Türkmenistanly ýarymgoragçy Musa Nurnazarow Täjigistanyň «Rawşan» toparynyň düzümine goşuldy we dessine toparyň esasy düzüminden orun almagy başardy.
Tejribeli tälimçi Ahliddin Turdiýewiň tälim bermeginde «Rawşan» «Hosilot» toparyny 1:0 hasabynda ýeňip, öz taryhynda ilkinji gezek Täjigistanyň Futbol federasiýasynyň kubogyna mynasyp boldy.
Musa Nurnazarow bu turniriň çäginde iki gol urdy we bir golly pasy öz adyna ýazdyrdy.
Kubokdaky ýeňiş Nurnazarowyň «Rawşanyň» oýunçysy hökmünde gazanan ilkinji çynlakaý üstünligi boldy. «Turkmenportalyň» habarçysy bilen geçirilen söhbetdeşlikde futbolçy täze klubda ilkinji kubogy eýeländigine begenýändigini aýtdy.
Ýeri gelende bellesek, Musa Nurnazarow geçen möwsümde «Merwiň» düzüminde çykyş etdi. Ol «Merwiň» düzüminde AFK Kubogynyň 2023/24-nji ýylky möwsüminiň 7 oýnuna gatnaşdy.
