«Arkadag» futbol toparynyň metbugat gullugy toparyň hüjümçisi Didar Durdyýewiň paýtagtdaky «Top» çagalar futbol klubynyň türgenleri üçin ussatlyk sapagyny geçendigini habar berdi.
Hüjümçi klubyň türgenleşik meýdançalaryna aýlanyp gördi. Ýaş futbolçylaryň sowallaryna jogap beren Didar Durdyýew ulara derwezä pökgi geçirmegiň dürli ýollaryny görkezdi. Şeýle hem türgenler onuň ýolbaşçylygynda türgenleşik geçdiler. Ussatlyk sapaklarynyň ahyrynda ýaşajyk futbolçylar meşhur hüjümçi bilen ýadygärlik surata-da düşdüler.
Didar Durdyýew geçen ýyl Türkmenistanyň çempionatynyň we Kubok ýaryşynyň iň netijeli futbolçy bolmagy başarypdy. Ol «Arkadag» futbol toparynyň düzüminde bu ýaryşlaryň ikisinde hem kuboga mynasyp bolmagy başardy.
