Fight Nights-yň 10-njy noýabrda Moskwada geçiriljek agşamyna Türkmenistandan hem bir türgeniň gatnaşmagyna garaşylýar. Bu barada promouterlik kompaniýasynyň prezidenti Kamil Gajiýew habar berdi.
Gala Sports Management tarapyndan Turkmenportala bu barada berlen habarda: «Biz dünýäniň iň iri ligalarynyň birinde ýaryşjak türgenimiz barada ýakyn günlerde habar bereris» diýilýär.
Eger bu tutum başa barsa, türkmen türgenleri Fight Nights-a ilkinji ädimini äderler. Häzirki wagtda olar sportuň başa-baş söweş görnüşleri bilen ijeň meşgullanýarlar.
