Aşgabatda işe başlan «Robbo Klub» robototehnika we erkin programmirleme kluby ýaş türkmenistanlylary mugt synag sapaklaryna çagyrýar.
«Robbo Klub» halkara klublar zynjyrynyň franşizasy boýunça 5 ýaşdan 16 ýaşa çenli çagalara robototehnikanyň we erkin programmirlemegiň esaslaryny öwretmäge gönükdirilen maksatnamany durmuşa geçirýär.
Ýaş programmistler kompýuteriň ekranynda robotyň şekilini döretmekden başlap, 3D modelirleme we 3D çap etmek arkaly ony öz eli bilen hakyka öwürmäge çenli ýoly geçýärler.
«Robbo Klub» öz wezipesini çagalary geljekde mümkinçilikleri uly bolan we ýokary girdejili, mysal üçin, programmist, hyzmat inženeri ýa-da robot işläp düzüji ýaly döredijilik hünärine taýýarlamakda görýär.
Bilim merkezinde sapaklar ýokary hünär derejeli hünärmenler – halkara attestasiýasyny we sertifikasiýasyny geçen, häzirki zaman okuw usullaryny ulanýan mugallymlar tarapyndan geçiriler. Doly okuw maksatnamasy tamamlandan soň, «Robbo Klub» tarapyndan okuwçylara degişli şahadatnamalar gowşurylýar.
Mugt synag sapaklary 27 – 29-njy oktýabr aralygynda şu salgyda geçiriler: Aşgabat, Atatürk köç., 61-nji jaý.
Sapaklaryň geçiş tertibi:
27-nji oktýabr: 13:00 – 13:45; 15:15 – 16:00; 16:30 – 17:15; 17:45 – 18:30; 19:00 – 19:45.
28-nji we 29-njy oktýabr: 13:00 – 13:45; 14:15 – 15:00; 15:30 – 16:15; 16:45 – 17:30; 18:00 – 18:45.
Mundan başga-da, şu günler mugt sapaklara aýlyk abonementlik, şeýle hem 15% we 20% arzanladyş bilen abonementlik üçin bije çekişlik geçirilýär.
Mugt synag sapaklaryna ýazylmak üçin şu telefonlara ýüz tutup bilersiňiz: (+993 12) 48 61 43, (+993 12) 48 61 45, (+993 61) 25 15 15. Ýerler çäklidir.
Web-saýt: robboclub.ru.
Sosial ulgamdaky sahypasy: «Роббо Клуб»; bilim merkezi.
