Türkmenistanyň milli ýygyndysy 2027-nji ýylda Saud Arabystanynda geçiriljek Aziýanyň Kubogyna çykmak üçin üçünji saýlama tapgyryna myhmançylykdaky oýun arkaly girişer. Has takygy, Türkmenistanyň milli ýygyndysy üçünji tapgyryň birinji aýlawynyň çäginde 25-nji mart güni Hytaý Taýpeýiniň myhmany bolar.
Ýeri gelende ýatlatsak, bije çekilişigiň netijesi boýunça Türkmenistan Taýland, Hytaý Taýpeýi we Şri-Lanka bilen bilelikde «D» kwartetinden orun aldy.
Üçünji saýlama tapgyrynyň geçiş tertibine laýyklykda, oýunlar öýde-myhmançylykda görnüşinde bolup geçer. Şunlukda, her ýygyndy 6 oýun geçirer. Her toparçadan birinji ornuň eýesi Aziýanyň Kubogynyň final tapgyryna ýollanma alar.
Türkmenistanyň ýygyndysy 2025-nji ýylda saýlama tapgyrynyň 5 oýnunda meýdança çykar. Ýene bir oýun bolsa 2026-njy ýylyň martynda geçiriler.
Türkmenistanyň milli ýygyndysynyň üçünji saýlama tapgyrynda geçirjek oýunlarynyň tertibi:
1-nji aýlaw, 2025-nji ýylyň 25-nji marty
Hytaý Taýpeýi — Türkmenistan
2-nji aýlaw, 2025-nji ýylyň 10-njy iýuny
Türkmenistan — Taýland
3-nji aýlaw, 2025-nji ýylyň 9-njy oktýabry
Şri-Lanka — Türkmenistan
4-nji aýlaw, 2025-nji ýylyň 14-nji oktýabry
Türkmenistan — Şri-Lanka
5-nji aýlaw, 2025-nji ýylyň 18-nji noýabry
Türkmenistan — Hytaý Taýpeýi
6-njy aýlaw, 2026-njy ýylyň 31-nji marty
Taýland — Türkmenistan
