Gündogar senenamasy boýunça ýylan ýyly Ýaponiýada ýurduň budda ybadathanalarynda 108 gezek jaň kakylandan soňra başlandy. Şeýle edilmek bilen, ýylyň dowamynda edilen ähli günä işler ýuwulýar diýlip, yrym edýärler. Bu barada «MIR 24» ýazýar.
Ýaponiýalylar adatça Täze ýyly maşgala bolup telewizoryň öňünde garşylamagy halaýan bolsa-da, ybadathanalarda 108 gezek jaň kakmak isläp nobata duranlar kän boldy. Soňky ýyllarda ybadathanalaryň köpüsinde adamlary köp çekmek üçin isleg bildirýänlere jaň kakmaga rugsat berlip başlandy.
Ýylan ýaponlarda gadymyýetden bäri pähim-paýhasyň we oňşuklylygyň nyşany hasaplanýar. Ol şeýle-de öýüň goragçysy, galkynyşyň we özgertmeleriň nyşany, sebäbi ýylan derisini çalşyp, täze keşp almagy başarýar diýip, ýaponlar ynanýarlar.
Ýylyň ilkinji güni ýa-da ilkinji birnäçe gününde ýaponlar «hasumode» sintoistik ybadathanalaryna baryp, çokunýarlar, kagyzjyga ýa-da ýörite tagtajyklara täze ýyldaky arzuwlaryny ýazýarlar.
