Türkmenistanyň Gruziýadaky täze bellenen ilçisi Döwletmyrat Seýitmämmedow Gruziýanyň Prezidenti Salome Zurabişwilä ynanç hatyny gowşurdy. Bu barada Tbilisidäki türkmen diplomatik wekilhanasynyň web sahypasynda habar berildi.
Kabul edişligiň barşynda ikitaraplaýyn gatnaşyklary has-da pugtalandyrmak, hususan-da, syýasy, söwda, ykdysady, medeni we ynsanperwer hyzmatdaşlygy giňeltmek meseleleri ara alnyp maslahatlaşyldy.
Türkmen ilçisi Gruziýanyň Baştutanyna Türkmenistanyň Prezidenti Serdar Berdimuhamedowyň we türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň iň gowy arzuwlaryny ýetirdi.
Prezident Salome Zurabişwili hoşniýetli sözler üçin hoşallyk bildirip, Türkmenistanyň Hökümetine öz mähirli salamyny, ýurduň halkyna bolsa parahatçylyk we abadançylyk baradaky arzuwlaryny beýan etdi.
Şeýle-de okaň:
