Türkmensitanyň ýygyndy topary Hytaýyň Hançjou şäherinde geçirilýän tomusky Aziýa oýunlarynda nobatdaky medalyny gazandy. Has takygy, kuraş boýunça 90 kilograma çenli agram derejede ýaryşa gatnaşan türkmenistanly kuraşçy Işanmyrat Ataýew hormat münberiniň üçünji basgançagyndan ýer almagy başardy.
Ýeri gelende bellesek, Işanmyrat Ataýew Aziýa oýunlarynda çärýek finalyndan medallar üçin göreşe girişip, şol tapgyrda koreýaly Minh Kuan Bui bilen güýç synanyşdy hem-de garşydaşyny 5:0 hasabynda ýeňlişe sezewar etdi. Ýarym finalda bolsa ol eýranly Sadegh Azarangdan asgyn gelip, bürünç medal bilen çäklenmäge mejbur boldy.
Häzirlikçe Türkmenistanyň ýygyndy topary 1 kümüş we 3 bürünç medal bilen ýygyndylaryň umumy medal sanawynda 27-nji ýeri eýeläp dur.
