Şu gün Türkmenistanyň Garaşsyzlygynyň 32 ýyllygy mynasybetli Halkara ahalteke atçylyk sport toplumynda baýramçylyk dabaralary geçirildi. Bu dabaralara Prezident Serdar Berdimuhamedow hem gatnaşdy.
«Watan» habarlar gepleşiginde habar berlişi ýaly, ir bilen Türkmenistanyň Mejlisiniň Başlygy, Hökümet agzalary, harby we hukuk goraýjy edaralaryň, ministrlikleriň we pudaklaýyn dolandyryş edaralarynyň, jemgyýetçilik guramalarynyň, köpçülikleýin habar beriş serişdeleriniň ýolbaşçylary, hormatly ýaşulular we ýaşlar, Türkmenistanda işleýän diplomatik wekilhanalaryň ýolbaşçylary, daşary ýurtly myhmanlar Halkara ahalteke atçylyk sport toplumynda Prezident Serdar Berdimuhamedowy ruhubelentlik bilen garşyladylar.
Döwlet Baştutany toplumyň çäginde meşhur ahalteke bedewlerine bagyşlanyp ýaýbaňlandyrylan sergini synlady.
Şeýle-de Prezident Serdar Berdimuhamedow ýol ugrunda Aşgabadyň hem-de ýurduň ähli welaýatlarynyň giň gerimli sergi bölümlerini, pälwanlaryň milli göreş boýunça bäsleşigini, sungat ussatlarynyň çykyşlaryny synlady.
Soňra Türkmenistanyň Prezidenti Halkara ahalteke atçylyk sport toplumynyň esasy münber binasyna bardy. Döwlet Baştutany bu ýerde baýramçylyk at çapyşyklaryna tomaşa etdi.
