Lebap welaýatynda möhüm ähmiýetli ýükleri daşamakda, ýolagçylary gatnatmakda ýokary netijeler gazanylýar. Şu ýylyň geçen ýedi adynda welaýat boýunça ýükleriň 60653 müň tonnasy daşalyp, bu görkeziji geçen ýylyň deňeşdirilýän döwründäkiden 3,3 göterim artdy. Bu barada «Türkmen gündogary» gazetinde habar berildi.
Şol döwürde ýolagçy gatnadylyşynyň möçberi bolsa 94549,5 müň adama ýetip, geçen ýylyň degişli döwründäkiden 1,1 göterim artdy.
Habarda bellenilişi ýaly, möhüm meselede gowy görkezijileriň gazanylmagyna «Türkmenawtoulaglary» agentliginiň kärhanalary, demirýolçular saldamly goşant goşýarlar.
