Girmek
Adamzat öňdäki 50 ýylda Mars planetasyna ýetmek üçin ýeterlik tehnologiýalary döredip biler. Bu barada Russiýanyň «Roskosmos» edarasynyň baş direktory Ýuriý Borisow aýtdy diýip, «Gazeta.ru» ýazýar.
Borisow bu ugurda amerikaly milliarder Ilon Maskyň «SpaceX» kompaniýasynyň mümkinçilikleriniň uludygyny belledi. Ol şeýle-de Marsa ýetmek üçin uzak uçuşyň gerekdigini, munuň bolsa kosmonawt üçin güýçli fiziki we psihologik synagdygyny sözüniň üstüne goşdy.
Borisow şeýle hem söhbetdeşlikde Russiýanyň käbir ýurtlara kosmodromlary gurmak barada teklip edendigini gürrüň berdi. Ýurduň kosmonawtika boýunça esasy hyzmatdaşlary Hindistan, Hytaý we Eýran bolup durýar. Bu ugurda
Günorta Afrika Respublikasy, Alžir, Zimbabwe, Indoneziýa we Malaýziýa bilen hem uly maksatnamalar bar.