Awgust aýynyň başynda Aşgabatda Türkmenistanyň Prezidenti Serdar Berdimuhamedowyň, Täjigistanyň Prezidenti Emomali Rahmonyň we Özbegistanyň Prezidenti Şawkat Mirziýoýewiň gatnaşmagynda üç taraplaýyn sammit geçiriler.
Bu Türkmenistanyň daşary işler ministri Raşid Meredow bilen Täjigistan Respublikasynyň daşary işler ministri S.Muhriddiniň we Özbegistan Respublikasynyň daşary işler ministri B.Saidowyň arasynda geçirilen wideo konferensiýadan soň yglan edildi.
Üç taraplaýyn sammitiň öňüsyrasynda ýokary derejeli duşuşykda gol çekilmeli resminamalaryň üstünde işler alnyp barylýar. Mundan başga-da, daşary işler edaralarynyň wekilleriniň, demir ýol işgärleriniň, gümrük işgärleriniň arasynda aýratyn duşuşyklar geçirilýär. Şeýle hem ykdysady gatnaşyklary ösdürmek, saglygy goraýyş, oba hojalygy, senagat, ylym we bilim meseleleri ara alnyp maslahatlaşylýar.
Şeýle-de okaň:
- Türkmenistanyň, Täjigistanyň we Özbegistanyň daşary işler ministrleriniň arasynda onlaýn görnüşinde duşuşyk geçirildi
- Türkmenistanyň we Özbegistanyň Daşary işler ministrlikleri konsullyk meseleleri boýunça maslahat geçirdi
- Täjigistanyň wekiliýeti Türkmenistanyň Döwlet gümrük gullugynda myhmançylykda boldy
