«Russiýanyň demir ýollary» (RŽD) şu ýyl «Demirgazyk — Günorta» halkara ulag geçelgesiniň gündogar şahasy boýunça Gazagystanyň we Türkmenistanyň üsti bilen 1 million tonna ýük daşamagy meýilleşdirýär. Muny «Russiýanyň demir ýollarynyň» baş direktory Oleg Belozerow Sankt-Peterburg halkara ykdysady forumynda (SPIEF- 2023) mälim etdi.
Belozerow Gazagystanyň, Eýranyň we Türkmenistanyň şu ýyl demir ýol arkaly 1 million tonna daşamak barada ylalaşandygyny aýtdy.
Habar berlişi ýaly, «Demirgazyk—Günorta» halkara ulag geçelgesiniň gündogar şahasynyň gurluşygy tamamlandy. Demir ýoluň günbatar şahasyndaky 162 km uzynlykdaky Raşt-Astara demir ýoly Eýran bilen bilelikde gurlar. Şeýle hem Belozerow 2023-nji ýylyň 5 aýynda geçelgede demir ýol gatnawynyň 42% ýokarlanyp, 4 million tonna ýetendigini aýtdy hem-de onuň geljekde 100 million tonna ýetjekdigine umyt bildirdi.
