Türkmenistan şu ýylyň 9 aýynda Özbegistana syýahat eden raýatlarynyň sany boýunça ilkinji bäşlikden orun aldy. Bu barada Özegistanyň Prezidentiniň ýanyndaky Statistika agentligi habar berýär.
Hasabat döwründe 120,4 müň türkmenistanly Özbegistana syýahat etdi. Şeýlelikde, Türkmenistan bu görkeziji boýunça bäşinji orny eýeledi. Bu ugurda birinji orun Täjigistana (1 million 667,6 müň), ikinji ýer Gyrgyz Respubikasyna (1 million 647,5 müň), üçünji orun Gazagystana (1 million 129,3 müň) degişli. Türkmenistanyň öňýanyndaky orny bolsa Russiýa Federasiýasy (609,7 müň) eýeläpdir.
Ýeri gelende bellesek, 2024-nji ýylyň ýanwar — sentýabr aýlarynda jemi 5 million 732,7 müň daşary ýurtly jahankeşde Özbegistana syýahat edipdir. Bu görkeziji geçen ýylyň degişli döwri bilen deňeşdirilende, 16,8 göterim köpdür.
