Italiýanyň «Roma» kluby Ýewropa ligasynyň ýarym final tapgyrynyň deslapky oýnunda «Baýerden» üstün çykdy. Rimde geçirilen oýun 1:0 hasabynda ýer eýeleriniň peýdasyna tamamlandy.
«Roma» ýeňiş getiren ýeke-täk gol toparyň öz akademiýasyndan çykan Edoardo Bowe tarapyndan 62-nji minutda uruldy.
Toparlaryň arasyndaky jogap oýny 18-nji maýda Germaniýada geçiriler.
«Roma» — «Baýer» gapma-garşylygynyň ýeňijisi finalda «Ýuwentus» — «Sewilýa» jübütiniň ýeňijisi bilen duşuşar. Olaryň arasyndaky Turinde geçirilen ýarym finalyň deslapky oýny 1:1 hasabynda deňlikde tamamlandy.
Ýewropa ligasynyň finaly 31-nji maýda Budapeşt şährinde oýnalar.
