Kuweýtde geçirilen dzýudo boýunça Aziýanyň açyk kubogynda türkmen dzýudoçysy Mämmedaly Açyldyýew kümüş medal gazandy. Bu barada Halkara dzýudo federasiýasynyň resmi web sahypasynda habar berildi.
90 kilograma çenli agram derejesinde geçirilen finalda M.Açyldyýew gyrgyzystanly pälwan Anarbek Işenbaýewden asgyn geldi.
Şeýle hem bu ýaryşda Maýsa Pardaýewa (57 kilograma çenli agram derejesinde) bürünç medal gazanmagy başardy.
Kuweýtdäki ýaryş 28-29-njy aprelde geçirildi. Türkmenistanyň toparyna 14 dzýudoçy (9 erkek we 5 aýal) wekilçilik etdi.
