Ýapon Hökümeti 2024-nji ýylda talyp hakly maksatnamalaryna gatnaşmak üçin daşary ýurtly talyplaryň arzalaryny kabul edip başlandygyny habar berdi.
Ýaponiýanyň Türkmenistandaky ilçihanasy Ýaponiýanyň Bilim, medeniýet, sport, ylym we tehnologiýa ministrliginiň (MEXT) daşary ýurtly talyplar üçin aşakdaky talyp hakly meýilnamalary boýunça gatnaşmak we saýlamak işini geçirýär:
Talyp-gözlegçi (aspirantura)
Talyp (bakalawr derejesi)
Tehnologiýa kollejiniň talyby (hünärment mekdebi)
Ýöriteleşdirilen okuw kollejiniň talyby (ýöriteleşdirilen okuw kollejiniň derejesi)
Ýaponiýanyň ilçihanasy Türkmenistanyň raýatlaryna diplomatik wekilhananyň resmi web sahypasyndaky her maksatnamanyň düzgünlerini üns bilen okamagy maslahat berýär.
Bäsleşige gatnaşmak üçin arzalary 2023-nji ýylyň 31-nji maýyna çenli Ýaponiýanyň Aşgabatdaky ilçihanasyna tabşyrylmalydyr. Ilçihana «Paýtagt» söwda merkeziniň 9-10-njy gatlarynda ýerleşýär (10 ýyl Abadançylyk köçesiniň 60-njy jaýy).
