Türkmenistanyň futbol çempionatynyň 2022-nji ýyldaky möwsüminiň jemleri boýunça «Köpetdagyň» 24 ýaşly ýarym goragçysy Begenç Akmämmedow «Iň gowy oýunçy» diýlip yglan edildi.
Begenç bu ada futbol ýolunda ilkinji gezek mynasyp bolup görýär.
Çempionatyň geçen möwsüminde 19 pökgi geçiren Begenç şolaryň üçüsini 11 metrlik jerime urgusyndan geçirdi.
Begenç Merdanowiç Akmämmedow 1998-njy ýylda Ahal welaýatynyň Ak bugdaý etrabynyň Gämi obasynda dünýä indi. Ol dürli ýyllarda «Aşgabat», «Ahal» we «Altyn asyr» futbol toparlarynda hem çykyş etdi.
Begenç Akmämmedow Türkmenistanyň milli ýygyndysyndaky ilkinji duşuşygyny 2022-nji ýylyň 27-nji maýynda Tailandyň ýygyndysy bilen bolan ýoldaşlyk duşuşygynda (0:1) geçirdi. Ol duşuşygyň 79-njy minudynda Resul Hojaýewi çalyşdy. Ol milli ýygyndyda häzirki wagta çenli resmi duşuşyklaryň ikisini geçirdi.
