Arhiw

«Turkish Airlines» Türkmenistana petekleriniň bahalaryny arzanladýar

22:0316.12.2022
0
111646

Türkiýäniň iň uly awiakompaniýasy «Turkish Airlines» Türkmenistana uçuşlaryň bahasyny arzanladýar.

Stambuldan Aşgabat şäherine we gaýdyp geliş ugry boýunça 2023-nji ýylyň ýanwarynda uçuşyň täze bahasy 605 ABŞ dollary (petek «Turkish Airlines»-iň web sahypasyndan onlaýn ýagdaýda satyn alynanda 603 dollar 50 sent).

2023-nji ýylyň ýanwar aýyndan başlap, awiakompaniýa Türkmenistana yzygiderli gatnawlaryň sanyny artdyrar. Hususan-da, Stambuldan Aşgabat şäherine uçuşlaryň sany dörde çenli artar. Stambuldan hepdede iki gezek Türkmenbaşy şäherine uçmak mümkin bolar. Bu meýilnama 2023-nji ýylyň 2-nji ýanwaryndan 2023-nji ýylyň 25-nji martyna çenli güýje girer.

Awiakompaniýanyň ähli uçuşlary üçin petekleri Türkmenistandaky «Turkish Airlines»-iň wekilhanasyndan aşakdaky salgy boýunça satyn alyp bilersiňiz: Aşgabat ş. köç. 1972 (Atatürk), 82, «Berkarar» SM, 1-nji gat, A7-A8 blok. Türk awiakompaniýasynyň uçuşlary üçin onlaýn petekleri www.turkishairlines.com saýtyndan iOS we Android programmalary arkaly satyn alyp bilersiňiz.

Teswirler
Teswir ýazmak üçin içeri giriň ýa-da registrasiýa boluň