«Aşgabat» Türkmenistanyň futbol çempionatynyň 24-nji tapgyrynda «Merwi» kabul edip, güýçli garşydaşyndan 2:1 hasabynda üstün çykdy. Duşuşyk türkmen paýtagtyndaky «Nusaý» stadionynda geçirildi.
«Aşgabadyň» gollaryny Şatlyk Gurbanow (65-nji minut) bilen Merdan Muhadow (73) geçirdi. 8-nji minutda Baýjan Satlykowyň öz derwezesine geçiren goly bolsa «Merwiň» hasabyna ýazyldy.
24-nji tapgyryň duşuşygyndan soň 27 utukly «Aşgabat» altynjy, 39 utukly «Merw» üçünji orunda barýar.
