DÇ-2022-niň dördünji gününiň oýunlaryny Belgiýa — Kanada duşuşygy jemledi. Oýunda 1:0 hasabynda Belgiýanyň ýygyndysy ýeňiş gazandy. Ýewropanyň wekiline ýeňiş getiren topy 44-nji minutda Mişi Batşuaýi öz adyna ýazdyrdy. Oýuna barada bellenilmeli zatlaryň ýene biri 10-njy minutda emin Kanadanyň peýdasyna penalti berdi. Emma Alfonso Dewisiň depen topuny Tibo Kurtua gaýtarmagy başardy. Şeýlelikde Belgiýanyň ýygyndysy 3 utuk bilen «F» toparçada birinji orna geçdi. Utuk gazanyp bilmedik Kanada iň soňky ýerde ornaşdy. 2-3-nji ýerler bolsa özara deň oýnan Marokkonyň we Horwatiýanyň ýygyndylary paýlaşyp durlar.
«F» toparçasyndaky ikinji tapgyryň oýunlary 27-nji noýabrda geçiriler. Şol gün Belgiýa Marokko bilen, Horwatiýa bolsa Kanada bilen güýç synanyşar.
Düýnki oýunlaryň netijeleri:
- «F» toparça. Marokko — Horwatiýa 0:0
- «E» toparça. Germaniýa — Ýaponiýa 1:2
- «E» toparça. Ispaniýa — Kosta-Rika 7:0
- «F» toparça. Belgiýa — Kanada 1:0
- Bu günki boljak ähli oýunlar:
- «G» toparça. Şweýsariýa — Kamerun — 15:00
- «H» toparça. Urugwaý —Koreýa Respublikasy — 18:00
- «H» toparça. Portugaliýa — Gana — 21:00
- «G» toparça. Braziliýa — Serbiýa — 00:00
