Türkmenistanyň futzal boýunça milli ýygyndysy 23-nji sentýabrda Aziýanyň kubogynyň geçirilýän ýeri bolan Kuweýte döwletine ugur alar.
Ýygyndy 27-nji sentýabr bilen 8-nji oktýabr aralygynda Kuweýtde geçiriljek Aziýa Kubogy ― 2022-niň final tapgyrynda «B» toparçada çykyş eder.
27-nji sentýabrda geçiriljek duşuşykda türkmen ýygyndysy Özbegistanyň milli ýygyndysy bilen duşuşar. 29-njy sentýabrda Bahreýniň ýygyndy topary bilen duşuşjak milli ýygyndymyz, 1-nji oktýabrda Täjigistanyň ýygyndy toparynyň garşysyna meýdança çykar.
Türkmenistanly futzalçylaryň şu günler Azerbaýjanda türgenleşýändigini ýatladýarys.
