FIFA Dünýä çempionatynyň açylyş oýnunyň wagtyny 21-nji noýabrdan 20-nji noýabra süýşürmek barada karar kabul etdi. Bu üýtgeşme ýer eýesi Kataryň milli ýygyndysynyň açylyş oýnunda meýdança çykmagy üçin edildi.
Şeýlelikde, DÇ-2022-niň deslapky oýny 20-nji noýabrda Aşgabat wagty bilen 21:00-da başlanar. Onda Kataryň we Ekwadoryň milli ýygyndylary özara güýç synanyşarlar.
«A» toparçadan orun alan Senegalyň we Niderlandlaryň milli ýygyndylarynyň arasyndaky duşuşyk bolsa 21-nji noýabrda sagat 15:00-dan 21:00-a süýşürildi.
