Türkmenistanly agyr atletikaçy Gülälek Kakamyradowa Daşkent şäherinde ýetginjekleriň we ýaşlaryň arasynda geçirilýän Aziýanyň çempionatynda üçünji orny eýeledi.
17 ýaşa çenli gyzlaryň arasynda 59 kilograma çenli agram derejesinde bäş türgen ýaryşdy. Kakamyradowa ştangany silterläp götermekde 77 kilogramlyk netije bilen dördünji, iteklemekde 93 kilogram bilen üçünji, iki görnüşiň jeminde-de 170 kilogram bilen üçünji orny eýeledi.
Şu agram derejesinde birinji orna indoneziýaly agyr atletikaçy Sara, ikinji orna gazagystanly Alina Koliuşko mynasyp boldy.
