13 — 15-nji maý aralygynda Gazagystanyň Almaty şäherinde ýaşlaryň we kadetleriň arasynda dzýudo boýunça Aziýanyň Kubogy ýaryşy geçirilýär. Bu barada Halkara dzýudo federasiýasynyň resmi saýty habar berýär.
Aziýanyň Kubogy ýaryşynda 2005-2006-njy hem-de 2002-2004-nji ýyllarda doglan dzýudoçylar ýaryşarlar.
Bu ýaryşa Gazagystandan, Özbegistandan, Täjigistandan, Türkmenistandan, Gyrgyz Respublikasyndan we ABŞ-dan jemi 270 türgen gatnaşar. Ýaryşda Türkmenistandan 13 dzýudoçy çykyş eder.
Ýaryşlarda ýeňiji bolan we baýrakly orunlary eýelän türgenler Halkara dzýudo federasiýasynyň düzgünlerine laýyklykda dünýä reýtinginde utuk gazanarlar.
