2022-nji ýylyň 19-njy aprelinde Aşgabat şäherinde «Türkmenistanyň taryhy-medeni ýadygärlikleri dünýä jemgyýetçiliginiň üns merkezinde» atly ylmy maslahat geçiriler. Bu barada Prezident Serdar Berdimuhamedowyň Balkan welaýatynda bolýan saparynyň dowamynda şu günki geçiren Ministrler Kabinetiniň göçme mejlisinde wise-premýer M.Mämmedowa hasabat berdi.
«Watan» habarlar gepleşiginde habar berlişi ýaly, halkara ylmy maslahatyň dowamynda, arheologik tapyndylaryň sergisini guralar, taryhy-medeni ýadygärliklerde halkara we milli ekspedisiýalar tarapyndan geçirilen arheologik gazuw-barlag işleriniň netijelerine serediler.
Şeýle hem «Türkmenistanyň gadymyýeti: ylmy-barlaglar we ýadygärlikleriň rejelenilişi» atly täze kitabyň tanyşdyrylyş dabarasy geçiriler. Maslahatda daşary ýurtlaryň ylmy institutlarynyň wekilleri, alymlar we arheologlar sanly ulgam arkaly çykyş ederler.