ABŞ döwlet baýdagyna ýene bir ýyldyz goşup, Waşington şäherini ýurduň 51-nji ştatyna öwürmegi meýilleşdirýär.
ABŞ-nyň parlamentiniň Wekiller palatasynda geçirilen ses berişlikde ştatlardan garaşsyz, aýratyn statusa eýe bolan paýtagt Waşington şäherine 51-nji ştat statusyny berýän kanun taslamasy kabul edildi. Mejlise hödürlenen "H.R. 51" kanun taslamasynda 700 müň adamyň ýaşaýan we ýurduň 21 ştatyndan köp salgyt töleýän Waşington şäherini 51-nji ştata öwürmeklik meýilleşdirilýär.
Kanun taslamasyna ABŞ-nyň parlamentiniň Demokratiýa partiýasyndan bolan 216 deputaty oňyn ses beren bolsa-da, respublikan partiýasyndan bolan 208 deputaty garşy ses berdi. Kanun taslamasy ikinji gezek tassyklamak üçin Senata iberildi.
Bu kanun taslamasy durmuşa geçirilse, ABŞ baýdagyna ýene bir ýyldyz goşular.
