Türkmenistanly tälimçi Gurban Berdiýew «KAMAZ» futbol toparynyň Türkiýedäki okuw-türgenleşik ýygnanyşygyna gatnaşýar. Bu barada toparyň metbugat gullugy habar berdi.
«Rubiniň» we «Rostowyň» ozalky baş tälimçisi türgenleşiklere maslahatçy hökmünde gatnaşýar. Türkmenistanly hünärmen toparyň «Týumen» bilen geçiren ýoldaşlyk duşuşygyna hem tomaşa etdi. Gurban Bekiýewiç toparyň tälimçiler düzümine netijeli oýun uslyby baradaky maslahatlaryny berýär.
Antalýanyň «Titanic Beach Lara» myhmanhanasynda ýerleşen toparyň türgenleşikleri 25-nji martda tamamlanar.
