Ýurduň beýleki sebitlerinde bolşy ýaly, Ahal welaýatynda hem gowaça ekişine taýýarlyk görülýär. Bu barada «Neýtralnyý Turkmenistan» gazeti habar berdi.
Şu ýyl Gökdepe etrabynda 34 müň gektar ýere gowaça ekiler. Etrapda ýerleri taýýarlamak bilen bir hatarda olary gurplandyrmak we hapa-haşal otlardan arassalamak ýaly işlere hem häzirden taýýarlyk görülýär.
Ak bugdaý etrabyndaky tehniki hyzmat ediş kärhanasynda ekiş möwsüminde ulanyljak tehnikalardyr tirkeg gurallary doly taýýar edildi. Şu ýyl etrapda kuwwatly traktorlaryň 56-synyň ekiş üçin ulanylmagyna garaşylýar.
Kaka etrabynda bolsa 23 müň 400 gektar ýere gowaça ekiler. Taýýarlyk işleri welaýatyň beýleki etraplarynda hem güýçli depginde alnyp barylýar.
