Şu gün irden Hytaý bazarynda “Xiaomi” şereketiniň “Redmi” markasynyň “K30S Ultra” atly täze telefony satuwa çykaryldy.
Telefon satuwa çykan badyna “Xiaomi” şereketiniň wise-prezidenti we Smartfon bölüminiň başlygy Zeng Suezhong enjamyň ähli söwda platformalarynda bir minudyň içinde 100,000-den gowragynyň satylandygyny habar berdi.
Bu smartfon “Xiaomi” şereketiniň onlaýn dükanlaryndan daşary “JD.com”, “Tmall” we “Suning” atly söwda platformalarynda satyldy.
1-nji noýabrda başlanan “Double Eleven” çäreleriniň çäginde “Redmi K30S Ultra” telefony 2599 ýuanyň ýerine 2299 ýuana arzan bahadan satylýar. Şonuň üçin “K30S Ultra” häzirki wagtda “Snapdragon 865”-li iň arzan flagman diýen ada eýedir.
Geçen awgustda hödürlenen “Redmi K30 Ultra” bilen deňeşdirilende, “K30S Ultra” 144 Hz LCD displeý bilen üpjün edilýär.
6.67 dýuým ekranda FHD + çözgüdi bilen hödürlenýän bu smartfon, LPDDR5 RAM göterijisine we enjam böleginde UFS 3.1 maglumat saklaýyş goldawyna eýedir.
Smartfonyň kamera tarapyna göz aýlanyňda , öň tarapynda 20 MP-lik, arka tarapynda 64 MP-lik esasy kamera, + 13 MP-lik ultra giň burç, + 5 MP-lik makro, ýagny üç kameraly gurnama bar. MIUI 12 bilen gutudan çykýan enjamda 5000 mAh batareýa hem bar.
Redmi K30S Ultra tehniki aýratynlyklary şu aşakdakylardan ybaratdyr:
Ekrany: 6.67 dýuým LCD (395 ppi, TÜV Rheinland, 144 Hz täzeleniş tizligi)
Prosessor: Qualcomm Snapdragon 865
RAM göterijisi: 8 GB LPDDR 5
Maglumat Saklaýjy ýady: 128 GB / 256 GB UFS 3.1
Öň kamera: 20 MP
Yzky kamera: 64 MP + 13 MP + 2 MP
Batareýa: 33 Wt çalt zarýad beriş goldawy bilen 5000 mAh
Reňkler: Gara, Kümüş
