Türkmenistanyň Futbol federasiýasy ýaşlaryň arasyndaky milli çempionatyň 4-nji tapgyry baradaky resmi maglumatlary yglan etdi.
Federasiýanyň resmi saýtynda hem beýan edilişi ýaly, 18-nji aprelde «Altyn asyr-2» Gökje ýaşaýyş toplumyndaky futbol meýdanynda «Köpetdag-2-ni» kabul eder. Duşuşyk 16:30-da başlanar.
Çempionat 19-njy aprelde oýnaljak üç duşuşyk bilen dowam eder. Şol gün Balkanabatdaky Sport toplumynda «Nebitçi-2» «Energetik-2-ni» kabul eder. Bu duşuşyk gündiz sagat 14:30-da başlar.
Şol gün Baýramaly şäherinde 16:30-da başlanjak duşuşykda «Merw-2» «Aşgabat-2-ni» kabul eder. Änew şäherindäki stadionda bolsa «Ahal-2» bilen «Şagadam-2» duşuşar.
Yzda galan üç tapgyrdan soňra 7 utuk bilen «Nebitçi-2-niň» ýaryşyň başyny çekýändigini ýatladýarys.
