«Türkmenhowaýollary» kompaniýasy 11 – 12-nji awgustda geçiriljek birinji Hazar ykdysady forumynyň çäklerinde Astrahan-Türkmenistan aralygynda iki sany göni howa gatnawyny ýola goýdy. Bu barada Türkmenistanyň Astrahandaky konsullygynyň resmi internet saýtynda habar berilýär.
Howa gatnawlary:
Aşgabat-Astrahan, 10.08.2019
Astrahan-Türkmenbaşy, 10.08.2019
Türkmenbaşy-Astrahan, 13.08.2019
Astrahan-Aşgabat, 13.08.2019
Uçuş peteklerini Türkmenistanyň howa petekleri satylýan nokatlaryndan hem-de «Аэрокомфорт», ITM GROUP rus kompaniýalary arkaly satyn almak mümkinçiligi bar.
Mälim bolşy ýaly, birinji Hazar ykdysady forumynyň çäklerinde «Hazar innowasion tehnologiýalar» hem-de «Türkmen sährasy — 2019» awtosergisi geçirilýär. Munuň özi Hazarýaka sebitinde söwda-ykdysady we maýa goýum hyzmatdaşlygyny has-da berkitmäge hem-de Hazar deňzini dünýäniň iri ulag-üstaşyr geçelgeleriniň merkezine öwürmek arkaly, Ýewraziýa yklymynda täze geoykdysady giňişligi kemala getirmäge ýardam berer.
