Türkmenistanyň Prezidenti Gurbanguly Berdimuhamedow Türkmenistanyň Senagat ministrliginiň garamagynda täze žurnaly döretmek baradaky Karara gol çekdi.
Resminama laýyklykda Türkmenistanyň Senagat ministrligine:
“Türkmenistanyň senagaty” žurnalyny hem-de ministrligiň merkezi edarasynda žurnalyň redaksiýasyny bellenen tertipde döretmäge;
“Türkmenistanyň senagaty” žurnalyny 2018-nji ýylyň iýul aýyndan başlap, çärýekde bir gezek türkmen, rus we iňlis dillerinde ministrligiň serişdeleriniň hasabyna neşir etmäge ygtyýar berildi.
Şeýle hem Türkmen döwlet neşirýat gullugyna bu žurnaly ýokary hilli we öz wagtynda neşir etmek, Aragatnaşyk ministrligine bolsa döwürleýin abuna ýazylşygyny guramak tabşyryldy.
