Türkmenbaşy şäheriniň “Şagadam” topary ýurdumyzyň futbol çempionatynyň dokuzynjy tapgyrynyň çäginde “Merw” bilen geçiren duşuşygynda 3:2 hasabynda ýeňiş gazanyp, ýaryş tertipnamasynyň birinji basgançagyna geçdi. Bu tapgyrda “Köpetdagy” kabul eden Aşgabat şäheriniň adybir topary 1:1 hasabynda deňme-deň oýnady. Paýtagtymyzyň toparynyň bu duşuşykda ýeňşi elden gidermegi olara eýeleýän birinji ornuny saklamaga mümkinçilik bermedi. Balkanabat şäherinde geçirilen duşuşykda çempionaty pes derejede geçirýän “Balkan” topary nobatdaky gezek ýeňlişe sezewar boldy. Balkanabat şäheriniň topary bu gezek “Energetikden” 3:1 hasabynda ýeňlişe sezewar boldy.
Dokuzynjy tapgyryň merkezi duşuşygy ertir geçirilip, onda “Ahal” bilen ýurdumyzyň geçen ýylky çempiony “Altyn Asyr” toparlary güýç synanyşarlar.
“Aşgabat” – “Köpetdag” – 1:1
Gollar: Ilýas Akyýew 11 (“Aşgabat”) – Öwezbaý Muhammetmyradow 39 (“Köpetdag”)
“Balkan” – “Energetik” – 1:3
Gollar: Aşyrgeldi Ilýasow 19 (“Balkan”) – Muhammet Astanow 12, Rahmet Şermetow 28, 79 (“Energetik”)
“Şagadam” – “Merw” – 3:2
Gollar: Begenç Annagurbanow 20, 62 (11 m.j.u), Daýanç Orazgulyýew 64 (“Şagadam”) – Toýly Goçnazarow 28, 54 (“Merw”)
«Ahal» — «Altyn asyr» — 0:1.
Gol: Myrat Ýagşyýew 34.
