Awazada YHG-a ag­za ýurt­la­ryň ulag we ara­gat­na­şyk mi­nistr­le­ri­niň du­şu­şy­gy geçirildi

3-nji maýda «Awa­za» mil­li sy­ýa­hat­çy­lyk zo­la­gyn­da Yk­dy­sa­dy Hyz­mat­daş­lyk Gu­ra­ma­sy­na ag­za ýurt­la­ryň ulag we ara­gat­na­şyk mi­nistr­le­ri­niň IX mej­li­si bol­dy.

Onuň gün ter­ti­bi­ne se­bit we se­bi­ta­ra ulag-ara­gat­na­şyk pu­da­gy­ny ös­dür­mek, bu mö­hüm ugur­da­ky hal­ka­ra hyz­mat­daş­ly­gy­ iş­jeň­leş­dir­mek bi­len bag­la­ny­şyk­ly me­se­le­le­riň giň top­lu­my gi­ri­zil­di. Yk­dy­sa­dy Hyz­mat­daş­lyk Gu­ra­ma­sy­na ag­za ýurt­la­ryň — Azer­baý­ja­nyň, Ow­ga­nys­ta­nyň, Eý­ra­nyň, Ga­za­gys­ta­nyň, Gyr­gy­zys­ta­nyň, Pa­kis­ta­nyň, Türk­me­nis­ta­nyň, Tür­ki­ýä­niň, Tä­ji­gis­ta­nyň we Öz­be­gis­ta­nyň we­kil­le­ri­niň 70-den gow­ra­gy gat­naş­dy.

We­ki­li­ýet­le­riň dü­zü­min­de ugur­daş mi­nistr­lik­le­riň hem-de pu­dak­la­ýyn do­lan­dy­ryş eda­ra­la­rynyň, şol san­da ulag, ara­gat­na­şyk, Da­şa­ry iş­ler mi­nistr­li­gi, tä­jir­çi­lik, se­na­gat, ma­ýa go­ýum we ösüş, güm­rük hem-de mig­ra­si­ýa gul­luk­la­ry­nyň, ýö­ri­te­leş­di­ri­len agent­lik­le­riň, aw­to­mo­bil, de­mir ýol, de­ňiz we ho­wa ulag­la­ry ul­gam­la­ry­nyň kär­ha­na­la­ry­nyň hem-de kom­pa­ni­ýa­la­ryň ýol­baş­çy­la­ry, öň­de­ba­ry­jy hü­när­men­le­ri bar.

Du­şu­şy­ga Yk­dy­sa­dy Hyz­mat­daş­lyk Gu­ra­ma­sy­nyň, BMG-niň Azi­ýa hem-de Ýu­waş um­man üçin Yk­dy­sa­dy we dur­muş to­pa­ry­nyň, Hal­ka­ra aw­to­mo­bil ulag­la­ry bir­le­şi­gi­niň we baş­ga-da bir­nä­çe hal­ka­ra dü­züm­le­riň ýo­ka­ry we­zi­pe­li we­kil­le­ri hem gat­naş­dy­lar.

2017-nji ýyl­da Pa­kis­ta­nyň paý­tag­ty Ys­la­ma­bat­da ge­çi­ri­len Yk­dy­sa­dy Hyz­mat­daş­lyk Gu­ra­ma­sy­na ag­za döw­let­le­riň Baş­tu­tan­la­ry­nyň XIII sam­mi­tin­de yg­lan edi­len we Türk­me­nis­tan­da ge­çi­ri­len du­şu­şyk­da öňe sü­ren baş­lan­gyç­la­ry üçin hor­mat­ly Pre­zi­den­ti­miz Gurbanguly Berdimuhamedowa aý­ra­tyn ho­şal­lyk bil­di­ril­di.

Du­şu­şy­gyň do­wa­myn­da ulag-ara­gat­na­şyk hyz­mat­la­ry­nyň de­mir ýol, aw­to­mo­bil, de­ňiz ulag­la­ry, ra­ýat awia­si­ýa­sy bo­ýun­ça ýük­le­ri da­şa­mak, ýo­lag­çy gat­nat­mak ba­bat­da se­bit­le­ýin ba­za­ryň ösü­şi­niň dür­li ugur­la­ry­na ga­ral­dy. Pi­kir alyş­ma­la­ryň do­wa­myn­da se­bit­le­ýin gat­na­şyk­la­ra iş ýü­zün­de iter­gi ber­mek mak­sa­dy bi­len, ut­ga­şyk­ly ulag sy­ýa­sa­ty­ny alyp bar­ma­gyň ze­rur­dy­gy bel­le­nil­di. Şeý­le hem ka­nun­çy­ly­gyň we tö­leg­le­riň ut­ga­şyk­ly­ly­gy, güm­rük, wi­za we beý­le­ki çä­re­le­ri ýu­waş-ýu­waş ýe­ňil­leş­dir­mek bi­len bag­la­ny­şyk­ly me­se­le­le­re ga­ral­dy. Bu çä­re­ler işe­wür dü­züm­le­riň işi­ni ýe­ňil­leş­dir­mä­ge we ýük gat­naw­la­ry­nyň we da­şar­ky söw­da­nyň möç­ber­le­ri­niň art­ma­gy­na ýar­dam ber­mä­ge gö­nük­di­ri­len­dir.

Ulag we lo­gis­ti­ka ul­gam­la­ryn­da­ky dü­züm­le­ýin tas­la­ma­la­ra, YHG ýurt­la­ry­nyň üs­tün­den geç­ýän esa­sy ulag ge­çel­ge­le­ri­niň bäs­deş­li­ge ukyp­ly­ly­gy­ny we bäh­bit­li­li­gi­ni ýo­kar­lan­dyr­ma­ga aý­ra­tyn üns be­ril­di.

Hu­su­san-da, ýur­du­my­zyň da­şa­ry iş­ler mi­nist­ri­niň orun­ba­sa­ry Ser­dar Berdimuhamedow iň­lis di­lin­de çy­kyş edip, ulag­la­ryň äh­li gör­nüş­le­ri­niň mad­dy-en­jam­la­ýyn bin­ýa­dy­ny yzy­gi­der­li pug­ta­lan­dyr­mak mak­sa­dy bi­len, Türk­me­nis­ta­nyň ulag ul­ga­my­nyň ösü­şi­niň mil­li mak­sat­na­ma­sy­nyň çäk­le­rin­de Amy­der­ýa­nyň üs­tün­den geç­ýän hä­zir­ki za­man de­mir ýol we aw­to­mo­bil köp­rü­le­ri­niň, Aş­ga­bat­da hem-de we­la­ýat­lar­da hal­ka­ra ho­wa men­zil­le­ri­niň gur­lan­dy­gy­ny bel­le­di. Dün­ýä öl­çeg­le­ri­ne la­ýyk gel­ýän ýo­ka­ry tiz­lik­li aw­to­mo­bil ýol­la­ry­nyň gu­rul­ma­gy bu ul­gam­da­ky se­bi­ta­ra we hal­ka­ra hyz­mat­daş­ly­gy­ň art­ýan­dy­gy bi­len bag­la­ny­şyk­ly­dyr.

YHG ýurt­la­ryn­da mag­lu­mat we te­le­kom­mu­ni­ka­si­ýa teh­no­lo­gi­ýa­la­ry­ny, giň zo­lak­ly, ýo­ka­ry tiz­lik­li In­ter­ne­ti ös­dür­mek, bu ugur­da hö­dür­len­ýän hyz­mat­la­ryň ge­ri­mi­ni gi­ňelt­mek ba­bat­da pi­kir alyş­ma­lar bol­dy. Türk­me­nis­ta­nyň il­kin­ji mil­li eme­li hem­ra­sy­nyň älem gi­ňiş­li­gi­ne çy­ka­ryl­ma­gy bi­len dün­ýä ül­ňü­le­ri­ne la­ýyk gel­ýän te­le­kom­mu­ni­ka­si­ýa ara­gat­na­şyk ul­ga­my­ny, ýo­ka­ry hil­li te­le we ra­dio ýaý­lym­la­ry dö­ret­mek üçin tä­ze müm­kin­çi­lik­ler hem-de şert­ler peý­da bol­dy.

Mej­li­siň je­mi­ni jem­le­mek bi­len, oňa gat­na­şy­jy­lar ne­ti­je­li işe­wür du­şu­şyk­la­ryň ulag we ara­gat­na­şyk ýa­ly mö­hüm ugur­lar­da­ky gat­na­şyk­la­ry Yk­dy­sa­dy Hyz­mat­daş­lyk Gu­ra­ma­sy­nyň çäk­le­rin­de mun­dan beý­läk-de ber­kit­mä­ge ýar­dam be­rer.

Yk­dy­sa­dy Hyz­mat­daş­lyk Gu­ra­ma­sy­na ag­za ýurt­la­ryň ulag we ara­gat­na­şyk mi­nistr­le­ri­niň IX du­şu­şy­gy­nyň jem­le­ri bo­ýun­ça de­giş­li res­mi­na­ma ka­bul edil­di.