«Aeroplan» we «Çyplaň sapança» atly komediýalaryň ssenariçileriniň biri Jim Abrahams 80 ýaşynda aradan çykdy. Bu barada «The Hollywood Reporter» neşirine salgylanýan «news.mail.ru» ýazýar.
Abrahams 20-den gowrak meşhur filmleriň döredijilik işlerine gatnaşdy. Ol «Çyplaň sapança» we «Aeroplan» atly nusgawy komediýalardan başga-da, «Örän gorkunç kino» filmler tapgyrynyň surata alnyşyna gatnaşdy, «Göçgün kelleler» atly iki bölümden ybarat filmiň ssenarisini ýazdy. Soňky ýyllarda Abrahams haýyr-sahawat işine uly üns berýärdi.
