Eziz Diýarymyzda hormatly Prezidentimiziň taýsyz tagallalary bilen biz ýaşlaryň ylymly bilimli, giň dünýägaraýyşly, döwrebap ösen tehnologiýalardan ussatlyk bilen baş çykarýan, watansöýüji, zähmetsöýer, milli ruhda terbiýelenen kämil şahsyýetler bolup ýetişmeklerimiz ugrunda giň gerimli işler durmuşa geçirilýär. Ylym-bilim ulgamynyň hasda kämilleşdirilmeginde, döwletimiziň ykdysady kuwwatyny barha ýokarlandyrmakda uly işler durmuşa ornaşdyrylýar. Arkadagly Serdarymyz türkmen ýaşlaryny ylma çekmek syýasatynyň amala aşyrylyşynyň hukuk binýady Türkmenistanyň Konstitusiýasyna, «Döwlet ylmy tehniki syýasaty hakynda», «Bilim hakynda», «Ýaşlar barada döwlet syýasaty hakynda», «Innowasiýa işi hakynda» Türkmenistanyň Kanunlaryna esaslanýar. Munuň özi özgertmelerimiziň hemde ylmyň täze gazananlarynyň köp maksatly häsiýetine, ýokary hil standartlaryna, ösen döwrebap ynsanperwer ugurlaryna şaýatlyk edýär. Netijede, ylym we bilim ugurlarynda amala aşyrylýan özgerişleriň hemmesi döwletimiziň diňe bir ykdysady taýdan däl, eýsem, hemmetaraplaýyn gülläp ösmegine ýardam berýär. Arkadagly Serdarymyzyň Türkmenistany hemmetaraplaýyn ösdürmek baradaky yzygiderli tagallalary, durmuşa geçirýän beýik işleri bu gün ähli halkymyz üçin diýseň buýsandyryjydyr. Biz ýaş nesillere eşretli zamanamyzda okamaga, öwrenmäge, döretmäge, gurmaga giň mümkinçilikleri döredýän Arkadagly Serdarymyzyň jany sag bolsun, beýik işleri üstünliklere beslensin!
Döwletmämmet Azady adyndaky Türkmen milli dünýa dilleri institutynyň talyby Aganyýazowa Nurana
