Soňky habarlar

Arhiw

Köp taraply, ýokary hilli we özboluşly: mebeli sargyt esasynda ýasatmagyň oňyn taraplary

0
1609
Köp taraply, ýokary hilli we özboluşly: mebeli sargyt esasynda ýasatmagyň oňyn taraplary

Dükanlarda taýýar mebelleriň köpdürli görnüşleri bar. Eger hödürlenilýän bu adaty mebel görnüşleri göwnüňize ýaramaýan bolsa, onda otagyň ýa-da ofisiň ölçeglerine, dizaýnyna kybap geljek özboluşly bezege eýe bolan mebelleri tapmaga giňden ýardam berjek kärhanalara ýüz tutmaly bolýarsyňyz.

Bu makalada mebeli sargyt esasynda ýasamagyň 5 sany artykmaçlygy dogrusynda gürrüň berilýär.

  • Indiwiduallyk

Mebeli sargyt esasynda ýasatmak — adaty mebel standartlaryndan gaça durmagyň ilkinji ýoly. Özboluşly mebeli taýýarlamakda takyk formany we mebeli ýasamagyň görnüşini saýlamak, materiallary hem-de ondaky reňkleriň sazlaşygyny anyklamak zerur bolýar. Şeýlelikde, mysal üçin, kiçi giňişlikdäki ýer üçin gurnalyp-sökülýän mebeli ýa-da gülgüne reňkdäki aşhana mebelini taýýarlamak bolar.

  • Gurluş aýratynlyklary

Islendik öý eýesiniň we öý hojalykçynyň isleýän zady — köptaraply, ýokary hilli we şol bir wagtyň özünde-de ajaýyp mebeliniň bolmagy. Mebel toplumyny sargyt etmäge özbaşdak çemeleşmek otagda ýetmeýän ýerleri ýa-da otagyň laýyk ölçegde bolmadyk aýratynlyklaryny peýdaly ulanmaga mümkinçilik berer. Otagyň ölçegine deň gelýän mebel giňişlikde artykmaç ýerleriň hem tygşytly ulanylmagyna ýardam eder.

  • Köptaraply häsiýete eýe bolmagy

Her bir adamyň hünär işi ýa-da durmuş ýörelgesi bilen baglylykda özboluşly zerur talaplary bolup biler. Mebeli sargyt esasynda ýasatmakda onuň ähli taraplaryny — dizaýn bezegini, gapylaryň we tutawaçlaryň ýerleşişini, şeýle hem beýleki funksional elementleri nazarda tutmak bilen kesgitli mebeli ýasadyp bilersiňiz.

  • Hil

Mebel önümlerini öndürmek bilen meşgullanýan iri kärhanalar ösen tehnologiýaly enjamlar bilen enjamlaşdyrylyp, ýokary hilli gözegçilik ulgamlaryna eýedir. Şunuň bilen birlikde, olaryň önümleri ähli halkara ülňülerine hem laýyk gelýär.

Türkmenistanda bolsa mebel önümçiliginde öňdebaryjy mebel kärhanasy hökmünde «Aýbölek» mebel dükany giňden tanalýar. Bu günki günde ol içerki bazarlarda hem uly isleg bilen satyn alynýar.

Döwrebap enjamlar hem-de hünär taýýarlygy ýeterlik bolan, ýöriteleşen işçileriň zähmeti önümleriň görnüş sanynyň artdyrylmagyna, şeýle-de dürli çylşyrymly işleri talap edýän islendik ölçegdäki hem-de stildäki sargytlaýyn mebelleri ýasamakda ýardam edýär.

Geljekki mebel enjamlaryny taýýarlamagyň taslamasy hasyl edilende kärhananyň dizaýneri müşderiniň isleglerini nazarda tutmak bilen, öz ideýalaryny-da hödürleýär. Laýyk hem-de maslahatlaşylyp taýýarlanylan mebeli ussalar degişli ýeriň ölçegine laýyklykda sazlaşykly ýerleşdirip hem-de gurnap berýärler. Edil şunuň ýaly guramaçylykly we toplumlaýyn üpjünçilikli işler hem «Aýbölek» mebel kärhanasyna kepil geçýär.

Çeşmeler: dns-magazin.ru; yapokupayu.ru; mebelist.net; senator064.com;

Şeýle-de okaň:

Teswirler
Teswir ýazmak üçin içeri giriň ýa-da registrasiýa boluň
Meňzeş makalalar