Meşhur eýranly repçi Emin Rasen 23-nji dekabrda sagat 18:00-da Gyşky görnüşler boýunça sport toplumynda ýetip gelýän täze ýyl baýramçylygy mynasybetli geçiriljek konserte gatnaşmak üçin Türkmenistanyň paýtagtyna geldi. Saparynyň dowamynda ýaşajak ýeri bolan Aşgabadyň «Arçabil» myhmanhanasynda artisti mähirli garşy aldylar.
Ýerli habarçylar bilen bolan söhbetdeşliginde Emin Rasen Aşgabada ikinji gezek gelendigine juda hoşaldygyny we türkmen tomaşaçylarynyň öňünde çykyş etjekdigine diýseň şatdygyny beýan etdi. Artist tomaşaçylary şowhunly konsert maksatnamasy hem-de täze hitleri bilen begendirjekdigini belledi.
Emin Rasen özüniň häzirki zaman estradasynyň pop we rep ugurlarynyň türkmeniň däp bolan özboluşly owazlary bilen sazlaşykly utgaşýan stili bilen tanalýar. Artist öz aýdym-saz döredijiliginde köp sanly hit aýdymlaryny çykaryp, birnäçe abraýly baýraklary aldy we türkmen dilinde iň köp islenilýän ýerine ýetirijileriň birine öwrüldi.
Emin Rasen özüniň geçen gezekki Aşgabatda bolan saparynyň dowamynda şähere we onuň ýaşaýjylaryna bagyşlap «Dostlukly watan» atly şekilli aýdymyny surata düşüripdi.
