Şu gün Aşgabatda Türkmenistanyň Hökümeti bilen Şweýsariýanyň Federal Geňeşiniň arasynda diplomatik we gulluk pasportlary bolanlar üçin wiza talaplaryny özara ýatyrmak barada Ylalaşyga, şeýle-de Türkmenistanyň Hökümeti bilen Şweýsariýanyň Federal Geňeşiniň arasynda rugsatsyz ýaşaýan adamlary yzyna kabul etmek (readmissiýa) baradaky Ylalaşyga gol çekişildi.
Ylalaşyklara Türkmenistanyň daşary işler mininstri Raşid Meredow bilen Halkara Bitaraplyk güni mynasybetli guralýan çärelere gatnaşmak üçin Aşgabatda saparda bolýan Şweýsariýa Konfederasiýasynyň Türkmenistandaky Adatdan daşary we Doly ygtyýarly ilçisi (oturýan ýeri Baku ş.) Tomas Şteliň arasynda geçirilen duşuşygyň jemleri boýunça gol çekildi.
Türkmenistanyň Daşary işler ministrliginiň metbugat gullugynyň habar bermegine görä, gepleşikleriň dowamynda taraplar syýasy-diplomatik, söwda-ykdysady, medeni-ynsanperwer ýaly ulgamlarda iki ýurduň arasyndaky hyzmatdaşlygyň geljegi uly ugurlaryna garadylar.
