«Aziýa-Hyzmatdaş» HJ-niň eýeçiliginde bolan Änew şäherindäki polietilen turbalary öndürýän zawod Türkmenistanyň öňdebaryjy senagat kärhanalarynyň biri bolmak bilen, giň gerimli döwrebaplaşdyryş işlerini üstünlikli tamamlady. «Krauss Maffei» nemes kompaniýasynyň döwrebap enjamlarynyň oturdylmagy netijesinde, zawod önümçilik mümkinçiliklerini ep-esli giňeltdi we öndürýän önümleriniň hilini ýokarlandyrdy.
Ilkibaşda 2013-nji ýylda taslamasy düzülen we gurlan zawod eýýäm içerki bazara we daşary ýurtlara polietilen we polipropilen turbalary hem-de düzüm böleklerini ygtybarly üpjün ediji hökmünde özüni tanatdy. Şeýle-de bolsa, geçirilen döwrebaplaşdyryş işleri kärhana täze derejä çykmaga we öňdebaryjy Ýewropa öndürijileri bilen deňleşmäge mümkinçilik berdi.
Zawodda «HDPE Inpipe 100» materialyndan öndürilen ýokary basyşly turbalar ýokary berkligi, poslama we himiki serişdelere garşy durnuklylygy, şeýle hem giň temperatura aralygynda ulanmak mümkinçiligi bilen tapawutlanýar. Zawodyň önümleri «ISO 4427» we «EN12201» halkara standartlaryna laýyk gelýär, bu bolsa olaryň ýokary hillidigini we ygtybarlydygyny tassyklaýar.
Öndürilýän ňnümler suw üpjünçiligi, gaz üpjünçiligi, suwaryş, zeýkeş we beýleki inženerçilik ulgamlarynda giňden ulanylýan, diametri 63 bilen 400 mm aralygyndaky turbalary öz içine alýar. Öndürilen turbalaryň esasy artykmaçlygy olaryň uzak wagt hyzmat edýänligidir – olaryň hyzmat möhleti 50 ýyldan gowrakdyr.
«Aziýa-Hyzmatdaş» HJ – gurluşyk we oba hojalyk enjamlaryny abatlamak we olara hyzmat etmek, ýük daşamak we ýörite enjamlar bilen üpjün etmek ýaly köp sanly hyzmatlary hödürleýän köpugurly kompaniýadyr. «VOLVO-nyň» Türkmenistandaky resmi dileri bolan bu kompaniýa enjamlar bilen üpjün etmekden başlap, olara hyzmat etmäge çenli toplumlaýyn hyzmatlary hödürleýär.
Habarlaşmak üçin maglumatlar:
- Plastik turbalary öndürýän zawod: Ak Bugdaý etraby, Änew ş., senagat zolagy, Industrialnaýa köç. Telefon: (+993 61) 37 44 88.
- «Aziýa-Hyzmatdaş» HJ: Aşgabat, Oguzhan (1957-nji) köç., bina 17/1. Telefon: (+993 12) 43 72 78. Elektron poçta: aziyahyzmatdash.volvotm@gmail.com.
