Dünýäde oktýabr aýynyň jemleri boýunça azyk harytlarynyň nyrhy soňky 18 aýda iň ýokary derejede gymmatlady. Bu barada Birleşen Milletler Guramasynyň Azyk we oba hojalyk guramasynyň nyrhlar boýunça görkezijisine salgylanýan TASS habar berdi.
Oktýabrda azygyň bahasynyň indeksi ortaça 127,4 punkty düzdi. Görkeziji sentýabrdaky bilen deňeşdirilende, 2 göterim we ýyllyk aňladylmada 5,5 göterim ýokarlandy.
«Howa şertleri ýa söwda syýasatynyň üýtgemegi bolsun, ýa-da başga bir ýagdaýlar, islendik sarsgyn ýagdaýy kynlaşdyryp biler. Bu azygyň nyrhynyň derejesi ýa-da elýeterliligi babatda ýaramaz täsir döredip biler» diýip, guramanyň ykdysadyýetçisi Monika Totowa gürrüň berdi diýip, «Gazeta.ru» ýazýar.
