Tailandda ýaşaýan zenan göwher gaşly ýüzügini 30 sagatlap gözländen soňra zibilhanadan tapdy.
Ol ellerini ýuwmak üçin ýüzügini aýryp, zibil atylýan bedrä taşlandygyny ýadyndan çykardy. Netijede, ýüzük köçedäki zibil guta, soň şäheriň zibilhanasyna düşdi.
Ýüzügini ýitirenden soňra Apitçaýa Ning atly zenan onuň nirede bolup biljekdigini akylyna getirdi. Ol işçileri kireýine tutup, 28 gektarlyk zibil atylýan ýeri gyzyl-dörjük etdiler diýip, «The Thaiger» neşirine salgylanýan «MIR 24» ýazýar.
Otuz sagatlap dowam eden gözleglerden soňra gymmatbaha ýüzügi tapmak başartdy. Ning ony sosial ulgamdaky sahypasynda görkezdi. Zenan ýüzügi her edip-hesip edip tapjakdygyny düşündirdi, sebäbi onuň bahasy 400 müň bata deňdir.
