Ozal habar berşimiz ýaly, düýn Russiýa Federasiýasyna iş sapary bilen baran Türkmenistanyň Prezidenti Serdar Berdimuhamedow şu gün Garaşsyz Döwletleriň Arkalaşygynyň döwlet Baştutanlarynyň Geňeşiniň Moskwada geçirilýän mejlisine gatnaşýar. Bu barada TDH habar berýär.
Sammita gatnaşyjylar kiçi we giňişleýin düzümdäki, wekiliýetleriniň agzalarynyň gatnaşmagynda mejlisleriň dowamynda sebit we halkara gün tertibiniň häzirki ýagdaýyny ara alyp maslahatlaşarlar.
GDA-nyň sammitiniň netijeleri boýunça resminamalara gol çekmek dabarasyny geçirmegi meýilleşdirilýär.
