Täjigistan we Eýran 10-njy awgustdan başlap, umumyraýatlyk daşary ýurt pasportlaryň eýeleri üçin wizasyz düzgün girizýärler. Bu barada Täjigistanyň Daşary işler ministrligine salgylanýan TASS habar berdi.
Täjigistanyň DIM-inde bu ugurda gol çekilen resminama laýyklykda, ady agzalan daşary ýurt pasportlarynyň eýeleri taraplaryň her birinde 30 günüň dowamynda rugsatnamasyz bolup bilerler.
Şunda wizasyz düzgüniň birinji tapgyrda Duşenbe-Tähran we Tähran-Duşenbe ugurlary boýunça awiagatnawlardan peýdalanýanlar üçin elýeterli boljakdygy habarda bellenýär.
