Angliýanyň futbol boýunça milli ýygyndysy Ýewropa çempionatynyň ýarymfinalynda Niderlandlaryň ýygyndysyny 2:1 hasabynda ýeňip, adyny finala ýazdyrmagy başardy. Duşuşyk Dortmund şäherinde geçdi.
Duşuşykda ýeňiji toparyň gollaryny 18-nji minutda Garri Keýn bilen 90+1-nji minutda Oli Uotkins geçirdi. Ýaryş bilen hoşlaşan ýygyndyda bolsa 7-nji minutda Hawi Simons tapawutlandy.
Angliýanyň ýygyndysy final duşuşygynda Ispaniýanyň garşydaşy bolar. Duşuşyk 14-nji iýulda geçiriler.
