Türkmenistanly futbolçy Musa Nurnazarow Kulýab şäheriniň «Rawşan» toparynyň 2024-nji ýylda Täjigistanyň çempionatyna gatnaşjak düzümine goşuldy. Bu barada täjik toparynyň metbugat gullugy habar berdi.
25 ýaşly Musa Nurnazarow mundan ozal «Rawşan» bilen Täjigistanyň Futbol federasiýasynyň Kubogyna mynasyp bolupdy. Onuň «Rawşan» bilen şertnamasy 2024-nji ýylyň 31-nji dekabryna çenli niýetlenendir.
Täjigistanyň çempionatynyň 33-nji çempionaty 6-njy aprelde badalga alyp, onda 12 topar çykyş eder. Iki aýlawdan ybarat turnirde her topar 22 oýun geçirer.
Çempionatyň deslapky tapgyry 6-njy aprelde geçiriler. Ýerli wagt bilen sagat 16:00-da «Rawşan» «Barkçi» topary bilen güýç synanyşar.
