2024-nji ýylyň 17-nji martynda Russiýa Federasiýasynyň Prezidentiniň saýlawlary geçiriler. Russiýanyň Türkmenistandaky ilçihanasy Türkmenistanyň çäginde ýerleşýän Russiýa Federasiýasynyň raýatlaryna ses bermek çäresi barada jikme-jik maglumat berdi.
Saýlaw güni, 17-nji martda sagat 8:00-dan 20:00-a çenli, Türkmenistanyň dürli şäherlerinde 5 saýlaw uçastogy açylar:
- № 8035 — Aşgabat, S.Türkmenbaşy şaýoly, 11 (Russiýanyň ilçihanasynyň bilim, ylym we medeniýet bölümi);
- № 8291 — Türkmenbaşy, Magtymguly şaýoly, 81a (Russiýanyň ilçihanasynyň konsullyk punkty);
- № 8290 — Türkmenabat, köç. Bitarap Türkmenistan, 129A (Lebap welaýatynyň medeni merkezi);
- № 8288 — Mary, köç. Watan, 31 (şäher häkimliginiň binasy);
- № 8287 — Daşoguz, köç. 10 ýyl abadançylyk (şäher häkimliginiň binasy).
Saýlawlara gatnaşmak üçin 18 ýaşyna ýeten Russiýa Federasiýasynyň raýatlary hakyky rus pasportyny (içerki, daşary ýurt, resmi ýa-da diplomatik) görkezmeli.
Saýlawlar baradaky habarlar bilen dolulygyna ilçihananyň web sahypasyndan we sosial ulgamlaryndan habarly bolup bilersiňiz.
