Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow Arkadag şäherine iş saparynyň çäginde, Arkadag şäheriniň Oba hojalyk toplumynyň binasyna hem baryp gördi. Bu barada "Watan" habarlar gepleşiginde habar berildi.
Bellenilişi ýaly, Türkmenistanyň Halk Maslahatynyň Başlygy bu ýerde binanyň enjamlaşdyrylyşy, onda ýurduň oba hojalygyny ösdürmek ugrunda degişli ylmy-barlag institutlarynyň işgärleri üçin döredilen döwrebap şertler bilen tanyşdy.
Döredilen mümkinçiliklerden netijeli peýdalanmagyň we sanly tehnologiýalary ornaşdyrmagyň möhümdigini belläp, türkmen halkynyň Milli Lideri toplumyň işgärlerine alyp barjak işlerinde üstünlikleri arzuw etdi.
