7-nji fewralda Azerbaýjanda möhletinden öňki Prezident saýlawlary geçilýär. Türkmenistanda Azerbaýjanyň raýatlary ýurduň Aşgabatdaky ilçihanasynda, 48-nji saýlaw uçastogynda iň ýokary hökümet wezipesine dalaşgär üçin ses berip bilerler.
Azerbaýjanyň Türkmenistandaky ilçisi Gismet Fizuly ogly Gezalow saýlaw uçastogynda ses bermäge gatnaşyjylaryň köpdügi barada «Turkmenportal» habarlar gullugyna aýtdy.
Diplomatyň sözlerine görä, saýlaw uçastogy çarşenbe güni ýerli wagt bilen 08:00-da açyldy we agşam 19:00-a çenli açyk bolar.
18 ýaşyna ýeten, hemişelik ýa-da wagtlaýyn Türkmenistanda ýaşaýan Azerbaýjanyň ähli raýatlary, şeýle hem uzak möhletli iş sapary ýa-da saparda bolýanlar ses bermek hukugyny ulanyp bilerler.
